ໃນຕອນເຊົ້າ ເວລາ 08:00 ໂມງ ຂອງວັນທີ 02 ກຸມພາ 2020 ຢູ່ທີ່ຫ້ອງປະຊຸມໃຫຍ່ຂອງພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ ​ບໍລິ​ຄຳ​ໄຊ ໄດ້ຈັດຕັ້ງກອງປະຊຸມ ແລກປ່ຽນ, ຖອດຖອນບົດຮຽນພາຍໃນຂົງເຂດຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ ​ປະຈຳ​ປີ 2020 ​ແລະ ທິດ​ທາງ​ແຜນການ ປີ 2021- 2025 ຂື້ນ ພາຍໃຕ້ການເປັນປະທານຂອງທ່ານ ສົມສະຫງວນ ສຸວັນນະລາດ ຫົວໜ້າພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ ເຊິ່ງກອງປະຊຸມຄັ້ງນີ້ມີຫົວໜ້າພະແນກ ແລະ ຄະນະພະແນກ, ຫົວໜ້າຫ້ອງການ ຊສ 07 ຕົວ​ເມືອງ, ຫົວໜ້າຂະແໜງ-ຮອງຂະແໜງ,  ພ້ອມ​ດ້ວຍພະນັກງານວິຊາການ ເຂົ້າຮ່ວມມີຈໍານວນທັງໝົດ 56 ທ່ານ, ຍິງ 15 ທ່ານຢ່າງພ້ອມພຽງ.